شعر از آقای مقصود آذری
شانلی یودوم سیله روخ سینه دکی غم کدرون
آتاروخ چایلارا کوکسونده اولان درد و غمون
گلعزارا ئیلیه روخ کوچه لرون همده زمون
سن گونئیده بیر عمیر باش اوجا قالماسان
آن تک سن بیزی گوزدن بولیرم سالماسان
من دیزج خلیلییم منطقه ده باش اوجایام
هله گنجم جوانام کیم دئیر من قوجایام
بی سوادلئق یولونا گون کیمی پارلاق باجایام
بوردا فرهنگ بیتیب ریشه سی اولماز قوجالا
قویماروق جهل و جهالت گله بیزدن باج آلا
دئمه کوچدی شهره یوخدی سینه مده بالالار
سولدی مکتبلروون رنگی کسیلدی چارالار
قویماروق یئرتئجی لار عشقووی بیزدن آلالار
دئمیرم من یوخاری یا اشاغی خلیلییم
بوتون عالم تانسون تک دیزجی خللیلییم
سنده آغ ساققالوون احترامی عزٌتی وار
توپراقوندا بوی آتان اصلانوون قیرتی وار
آنا یوردومدا عمیر سورمه یمون لذٌتی وار
باشیوا من دولانئم آی دیزج خللی دییاری
بوجانملا إئدرم قئش گونی سنده باهاری
ساچ آغارمئش آنالار لای لایئنی سنده چالیب
ادبی معرفتی وارلئغنی سندن آلب
دئمه چوخلی جوانم یوخدی کوچوب هاردا قالب
سوز قوشار آذری بیر گون گله اونلاریانووا
قویماروق غم توزی قونسون بو شفقلی جانووا
توپلایان: مقصود آذری
